Հուլիսի 30-ը աշխարհի բազմաթիվ երկրներում նշվում է թրաֆիքինգի դեմ պայքարի միջազգային օրը, որի տարբերանշանը «կապույտ սիրտն» է։
21-րդ դարի սպիտակ ստրկությունը՝ թրաֆիքինգը, առկա է գրեթե յուրաքանչյուր երկրում: Ամեն տարի միլիոնավոր կանայք, տղամարդիկ ու երեխաներ են շահագործման ենթարկվում։ Նրանք ենթարկվում են սեռական և աշխատանքային շահագործման, ներգրավվում են հարկադիր ամուսնության, մուրացկանության ու օրգան-հյուսվածքների վաճառքի մեջ, ինչպես նաև շահագործման այլ դրսևորումներում: 2013 թվականին ՄԱԿ-ի գլխավոր ասամբլեայի որոշմամբ հուլիսի 30-ը հռչակվել է մարդկանց թրաֆիքինգի դեմ պայքարի համաշխարհային օր:
Հայաստանում անձին թրաֆիիքինգի կամ շահագործման զոհ կամ հատուկ կատեգորիայի զոհ կարող է ճանաչել միայն Մարդկանց թրաֆիքինգի և շահագործման զոհերի նույնացման հանձնաժողովը:
Բայց ինքնանույնացման թեսթ-հարցաշարի օգնությամբ ցանկացած մարդ կարող է պարզել՝ թրաֆիքինգի կամ շահագործման ենթարկվո՞ւմ է, թե՞ ոչ։ Թեսթը անցնելու համար կարող եք բացել հղումը:
Ս.Վ.
