Ռուբեն Վարդանյանի վիճակը կտրուկ վատացել է Ադրբեջանում. հայտարարել է փաստաբան Ջարեդ Գենսերը. գրում է «Սպուտնիկ Արմենիա»-ն։
Մեկ շաբաթվա հացադուլից հետո Ռուբեն Վարդանյանը առողջական վտանգավոր վիճակում է. նա կորցրել է 6 կգ քաշ, զարկերակային ճնշումը հասել է վտանգավոր 140/110 մակարդակի, իսկ պուլսը զգալիորեն գերազանցում է նորման: Չնայած դրան՝ նրան բռնի ուժով տեղափոխել են դատարան, որտեղ մերժել են նիստը հետաձգելու բոլոր միջնորդությունները՝ թույլ տալով նրան մասնակցել միայն նստած։
Գենսերը հայտարարել է, որ իր պաշտպանյալին այդ վիճակում դատավարությանը մասնակցելուն հարկադրելը դաժան և անմարդկային վերաբերմունք է:
Նա կոչ է արել միջազգային կազմակերպություններին անհապաղ պահանջել Վարդանյանի մուտքը բանտ, ինչպես նաև պահանջել է թույլ տալ միջազգային բժշկին զննել Վարդանյանին, հետաձգել դատաքննությունը հացադուլի ընթացքում:
Նա նաև կոչ է արել համաշխարհային առաջնորդներին դատապարտել քաղաքականապես մոտիվացված այս գործընթացը։
