Բաքվի ռազմական դատարանում մեկնարկել է օկուպացված Արցախի Հանրապետության նախկին ռազմաքաղաքական ղեկավարության և քաղաքացիական անձանց դեմ շինծու մեղադրանքներով դատավարության հերթական նիստը:
Ընդհանուր առմամբ, Բաքուն հաշվեհարդար է տեսնում 15 հայերի նկատմամբ՝ Արցախի նախկին նախագահներ Արայիկ Հարությունյանը, Արկադի Ղուկասյանը, Բակո Սահակյանը, ԱԺ նախկին նախագահ Դավիթ Իշխանյանը, Պաշտպանության բանակի ԶՈՒ շտաբի նախկին պետ Դավիթ Մանուկյանը, ԱԳ նախկին նախարար Դավիթ Բաբայանը,ՊԲ նախկին հրամանատար Լևոն Մնացականյանը, քաղաքացիական անձինք՝ Վասիլի Բեգլարյանը, Էրիկ Ղազարյանը, Դավիթ Ալավերդյանը, Գուրգեն Ստեփանյանը, Լևոն Բալայանը, Մադաթ Բաբայանը, Գարիկ Մարտիրոսյանը, Մելիքսեթ Փաշայանը:
Նրանք մեղադրվում են «խոշտանգումների», «ահաբեկչության», «ահաբեկչության ֆինանսավորման», «ռազմական հանցագործությունների», «ցեղասպանության» և այլ «հանցանքների» համար:
