Disney-ը Մուստաֆա Քեմալ Աթաթուրքի մասին սերիալ է նկարահանում, որի պրեմիերան տեղի է ունենալու հոկտեմբերի 29-ին՝ որը համընկնում է Թուրքիայի Հանրապետության հիմնադրման 100 ամյակի հետ։
Սերիալի մի հատվածը նկարահանվել է 2022-ի վերջին։ Աթաթուրքի մասին ֆիլմի առնչությամբ կարծիքները բաժանվում են, մի մասը համոզված է, որ փաստեր չեն ներկայացվում, ընդհակառակը՝ իրողությունը խեղաթյուրված է, իսկ մյուս մասը կարծում է, որ սա մշակութային ժառանգություն է։
Ամերիկայի Հայ դատի հանձնախումբը (ANCA) կոչ է արել Disney-ին չեղարկել Մուստաֆա Քեմալ Աթաթուրքի կյանքի մասին սերիալը։ ANCA-ն մեղադրել է Disney-ին «բռնապետին ու մարդասպանին» հերոսացնելու մեջ, ներկայացրել է, որ Աթաթուրքը Թուրքիա պետություն կառուցելու համար սպանել է հայրի, ասորիների, սիրիացիների, հույների։
«Մենք կոչ ենք անում DisneyPlus-ին չեղարկել սերիալը, որը փառաբանում է Մուստաֆա Քեմալ Աթաթուրքին՝ թուրք բռնապետին ու մարդասպանին, որի ձեռքերը ծածկված են միլիոնավոր հայերի, հույների, ասորիների, քաղդեացիների, սիրիացիների և քրիստոնյա այլ ժողովուրդների արյամբ», – թվիթերում գրել է ANCA-ն։
