Շատ ուրախ եմ, որ հայտնի թալանի գործով երկու կանայք ազատ են արձակվել: Անկեղծորեն շատ ուրախ եմ. ասում է փաստաբան Արսեն Բաբայանը։
Դատախազը փոխել է նրանց խափանման միջոցը, քանի որ, ըստ դատախազության, նրանք տվել են ցուցմունքներ և կատարվել են առերես հարցաքննություններ:
Արսեն Բաբայանը Տաթև Վիրաբյանի փաստաբանն է։ Եվ համեմատում է իր պաշտպանյալին ու ազատության մեջ գտնվող վերոհիշյալ երկու կանանց։
«Տաթևիկը հենց առաջին օրը տվել է ցուցմունք և հայտնել՝ ինչ ասում եք, ես եմ արել, բայց այդ արարքս հանցագործություն չի: Տաթևին երկու ամիս կալանքի տակ պահելու ամբողջ ընթացքում որևէ քննչական գործողություն քննիչը չի կատարել:
Վեց կին պատգանավորներ երաշխավորությամբ դիմեցին, որպեսզի ազատ արձակվի, սակայն Տաթևը մինչև վերջին ժամը պահվեց բանտում և միայն դատարանի որոշմամբ, երկու ամիս հետո, նրա նկատմամբ կիրառվեց տնային կալանքը:
Սա է քաղաքական հետապնդումը: Սա է ապացույցը, որ Տաթևը հենց քաղբանտարկյալ է: Հիշեցնեմ, որ Տաթևը որևէ թալանի մեջ երբեք չի մեղադրվել»,- հիշեցնում է փաստաբանը և մատնանշում ընտրովի արդարադատության վառ օրինակները։
