Այս հանձնաժողովի կարևորությունն այն է, որ երկու վարչապետներն են ղեկավարում միջկառավարական հանձնաժողովի նիստը: Երկու երկրների կառավարությունները մասնակցում են այս նիստին, ինչը նշանակում է, որ երկու երկրները շատ ամուր կապեր ունեն տարբեր ուղղություններով. ՀՀ ԱԳ նախարար Արարատ Միրզոյանի հետ համատեղ ասուլիսի ժամանակ հայտարարեց Վրաստանի ԱԳ նախարար Մակա Բոճորիշվիլին՝ անդրադառնալով այսօր Երևանում կայանալիք Հայաստանի և Վրաստանի միջև տնտեսական համագործակցության միջկառավարական հանձնաժողովի 14-րդ նիստի օրակարգին:
«Մենք ունենք ընդհանուր հետաքրքրություններ և ընդհանուր շահեր, երկուստեք ուզում ենք է՛լ ավելի սերտացնենք հարաբերությունները: Սա, անշուշտ, վերաբերում է տնտեսական համագործակցությանը, տրանսպորտին, գործընկերությանը, շրջակա միջավայրի հետ կապված համագործակցությանը ևս, զբոսաշրջության զարգացմանը: Սրանք այն թեմաներն են, որոնք երկու երկրների համար շատ կարևոր են, կարող են սերտացնել հարաբերությունները:
Թույլ տվեք նշել, որ Վրաստանն իսկապես ունի ցանկություն ֆասիլիտատորի դերով հանդես գալու Հայաստանում խաղաղություն և կայունություն հաստատելու համար: Անշուշտ, մենք կարտահայտենք մեր պատրաստակամությունը՝ դյուրացնելու այս խաղաղության գործընթացը, որը մեր հարևան երկրների միջև զարգանում է»,- ասաց նա:
