«Մարդկային եղբայրության «Զայեդ» մրցանակը» հավասարապես կարևոր է յուրաքանչյուր հայի և յուրաքանչյուր ադրբեջանցու համար. Աբու Դաբիում «Զայեդ» մարդկային եղբայրության մրցանակի հանձնման արարողության ժամանակ հայտարարել է Նիկոլ Փաշինյանը։
«Երբ կա տեսլական և իմաստություն, անհավանական բաներ են տեղի ունենում։ Ես հավատում էի, որ խաղաղության համաձայնագիրը հնարավոր է, քանի որ Հայաստանն ու Ադրբեջանը հասկացան հակամարտությանը հիմա վերջ դնելու կարևորությունը։ Հակառակ դեպքում՝ այն երբեք չէր ավարտվի և ավելի շատ տառապանքներ կբերեր երկու երկրներին ու ժողովուրդներին։ Սակայն, չնայած մարդկային եղբայրության համար «Զայեդ» մրցանակը պաշտոնապես շնորհվում է Հայաստանի և Ադրբեջանի ղեկավարներին, իրականում այս նվաճումը պատկանում է մեր ժողովուրդներին։ Հայաստանի և Ադրբեջանի ղեկավարները քաջարի քայլեր ձեռնարկեցին, բայց այս պատմական պահը հնարավոր դարձավ մեր ժողովուրդների նոր ապագա ընդունելու ցանկության շնորհիվ։ Հետևաբար, այս մրցանակը հավասարապես կարևոր է յուրաքանչյուր հայի և յուրաքանչյուր ադրբեջանցու համար, ովքեր քաջություն գտան քվեարկելու խաղաղության համար։ Ես կցանկանայի շնորհակալություն հայտնել երկու ժողովուրդներին էլ։ Հետևաբար, մենք պետք է կենտրոնանանք այն բանի վրա, ինչը կարող ենք փոխել՝ մեր ազգերի համար խաղաղ և բարգավաճ ապագա ստեղծելու վրա», – նշել է Փաշինյանը։
Փաշինյանը շնորհակալություն է հայտնել ԱՄՆ նախագահ Դոնալդ Թրամփին։
«Շատ մարդիկ զոհվեցին հակամարտության ընթացքում։ Խաղաղությունը զոհերի նկատմամբ ամենամեծ հարգանքն է։ «Զայեդ» մրցանակի ստացման կապակցությամբ ցանկանում եմ իմ խորին երախտագիտություն հայտնել ԱՄՆ նախագահ Դոնալդ Թրամփին։ Հայաստանի և Ադրբեջանի միջև խաղաղության համաձայնագրի կնքման գործում գլխավոր գործոնը նրա անձնական նվիրվածությունն էր։ Մենք հույս ունենք, որ կմասնակցելնք այն արարողությանը, որտեղ ԱՄՆ նախագահ Դոնալդ Թրամփը արժանիորեն կստանա Նոբելյան խաղաղության մրցանակը», – ասաց Փաշինյանը։
Ելույթ է ունեցել նաև Իլհամ Ալիևը։
«Այս ամիսների ընթացքում մենք նպաստել ենք մեր հարաբերությունների զարգացմանը։ Մենք ոչ միայն վերացրել ենք Ադրբեջանից Հայաստան տրանսպորտի և նավագնացության հետ կապված սահմանափակումները, այլև ընդլայնել ենք համագործակցությունը այլ ոլորտներում։
Այժմ մենք ընդլայնում ենք մեր առևտրային հարաբերությունները, և իմ հայ գործընկերոջ հետ հանդիպման ժամանակ քննարկեցինք, թե ինչպես առաջ շարժվել», – ասել է Ալիևը։
