Չարենցավան քաղաքի եկեղեցում 57-ամյա տղամարդու են դաժանաբար սպանել։ Գագիկ Շամշյանի հաղորդմամբ՝ քաղաքացուն դանակահարել են հենց եկեղեցում։ Վիրավորը տեղափոխվել է հիվանդանոց, որտեղ գիտակցության չգալով՝ մահացել է։
Դեպքը տեղի է ունեցել հոգեհանգստի արարողության ժամանակ։ Ենթադրյալ մարդասպանը եկել է 20-ամյա տղայի հոգեհանգստին և սկսել է դանակի մահացու հարվածներ հասցնել հոկտեմբերի 8-ին ավտովթարի հետևանքով մահացած 20-ամյա Նարեկ Պետրոսյանի կնքահորը՝ մեղադրելով նրան կատարվածի մեջ։
Քրեական ու համայնքային ոստիկանները տաք հետքերով հայտնաբերել են կասկածյալին ու հանցագործության գործիք դանակը:
