Այսուհետ հայտարարում ենք՝ ամեն կիրակի՝ ժամը 15:00-ին, Բեռլինում՝ հայկական դեսպանատան առջև, կազմակերպելու ենք բողոքի ցույց, մինչև ապօրինի ձերբակալված Միքաել Արքեպիսկոպոս Սրբազանը, Բագրատ Արքեպիսկոպոս Սրբազանը, Սամվել Կարապետյանը և մյուս քաղբանտարկյալները ազատ չարձակվեն. ֆեյսբուքյան իր էջում գրել է գերմանահայ հասարակական գործիչ, պրոֆեսոր Ավետիս Սադոյանը:
«Բանտերը գողերի, ավազակների ու դավաճանների համար են, ոչ թե Սրբազանների ու «Ֆորբսի» ցուցակներում ներառված հայ մեծահարուստների համար։ Մյուս ցույցը՝ հուլիսի 6-ին դեսպանատան առջև։ Հաջորդը հուլիսի՝ 13-ին։ Ցույցին կարող եք միանալ նաև առցանց։ Առցանց մասնակցության համար դիմել Արամ Մկրտչյանին:
Բարձրացնենք մեր ձայնը ընդդեմ Հայաստանի բռնապետական ռեժիմի Նիկ․- Փաշի ղեկավարությամբ, որն իր դաժանությամբ անցավ բոլոր նախկիններին, որը իր կառավարությամբ ապրում է առանձին կյանք, իսկ ժողովուրդը՝ առանձին կյանք, որը նույնիսկ սահմանադրության օրը նշում է ոչ թե իր ժողովրդի հետ, այլ Հայաստանում հավատարմագրված դեսպանների հետ, Օպերայի շենքում՝ փակված ոստիկանության եռաշերտ շղթայով, քանի որ ժողովրդի հետ նա այլևս ոչ մի աղերս չունի։
Ուրախ կլինենք ձեր դիրքորոշումը լսել ու լսելի դարձնել գարշելի ռեժիմի ներկայացուցիչ ՀՀ դեսպանատան աշխատակիցներին ու անձամբ դեսպանին, որը նախորդ ցույցից տասնհինգ րոպե առաջ ծլկեց դեսպանատնից՝ թողնելով դեսպանատունը դատարկ, որ հանկարծ ստիպված չլինի գերմանական ոստիկանության հորդորների տակ դուրս գալ և վերցնել ցույցի պահանջագիր-պետիցիան։
Հ․ Գ․ Բեռլինում 29.06.2025 ցույցը Սփյուռքում գրանցված առաջին ցույցն էր՝ ի պաշտպանություն ձերբակալված Սրբազանների և Սամվել Կարապետյանի»։
