Խուզարկվել է ՀՅԴ ԳՄ նախագահ Սիմոն Սիմոնյանի բնակարանը

ՀՅԴ Հայաստանի Գերագույն մարմնի հանրային կապերի գրասենյակից հայտնում են, որ ՀՀ իրավապահ մարմինների ապօրինի գործողությունները շարունակվում են։

«Այս պահին ՀՀ ուժային կառույցների ներկայացուցիչները խուզարկություն են իրականացնում ՀՅԴ Հայաստանի Գերագույն մարմնի նախագահ Սիմոն Սիմոնյանի բնակարանում»,- նշում են ՀՅԴ Հայաստանի Գերագույն մարմնի հանրային կապերի գրասենյակից։ 

Հիշեցնենք, որ հունվարի 11-ի առավոտյան խուզարկություններ են կատարվել ՀՅԴ Արարարտի մարզի ներկայացուցիչների բնակարաններում։ ՀՅԴ-ականները նաև բերման են ենթարկվել։ Այս օրը Սիմոն Սիմանյանը կանչվել էր Արարատի քննչական վարչություն՝ որպես վկա։