«Մեծ գաղտնիք ասած չեմ լինի, եթե ասեմ, որ Նիկոլ Փաշինյանը պատերազմ է հայտարարել Երրորդ Հանրապետությանը և նրա հիմքերին։ Նրա օրակարգի հետ մենք կապ չունենք, որովհետև կարևորում ենք Երրորդ Հանրապետությունը։
Անկախության Հռչակագիրն անսակարկելի է, այն բացառիկ պատմական փաստաթուղթ է, 1988-ի համազգային շարժման արժեքների կապիտալիզացին։ Երրորդ Հանրապետության իրավաքաղաքական հիմքերը դրվել են այդ փաստաթղթով։ Օգոստոսի 23-ը մեզ համար բացառիկ տոն է։ Փաշինյանի մակարարդակով ոտնձգություն է կատարվում Երրորդ Հանրապետության ու դրա հիմքերի նկատմամբ։ Հետևաբար, մենք պարտավոր ենք, առավել քան երբևէ, համախմբվել Երրորդ Հանրապետության, դրա հիմքերի, մեր պետականության շուրջը»,- Արամ Մանուկյանի հեղինակած «Հայաստանի Հանրապետության Անկախության Հռչակագրի 35 ամյակը» գրքի վերահրատարակման շնորհանդեսի առիթով ասաց քաղաքագետ, «Դեմոկրատական այլընտրանք» կուսակցության նախագահ Սուրեն սուրենյանցը։
Նրա համոզմամբ՝ չպետք է թույլ տանք, որ Փաշինյանը նոր Սահմանադրության հանրաքվե կազմակերպի։ Անկախության Հռչակագիրը խմբագրած ու Հայաստանի, հայ ժողովրդի համար սպառնալիք նոր Սահմանադրությանը «այո» կամ «ոչ» ասելու երկու դեպքում էլ վտանգը ահագնանալու է։
Այդ քվերակությունը «խաղաղության և ոչ խաղաղության» միջև չի լինելու, ինչպես գռեհիկ կերպով ձևակերպում է Նիկոլ Փաշինյանը։ Բոլորս էլ խաղաղություն ենք ուզում, եթե կա մեկը, որը պատերազմի հրձիգ է, դա Նիկոլ Փաշինյանն է։
Հետևաբար, առաջիկա ընտրությունները Հայաստանի Երրորդ Հանրապետության կողմնակիցների և «Արևմտյան Ադրբեջանի» կողմնակիցների միջև են լինելու։ Եթե ՀՀ Սահմանադրությունից Անկախության Հռչակագրի հանմանը կողմ ենք քվեարկում, նշանակում է Ադրբեջանին նոր պատերազմի առիթ ենք տալիս, եթե «ոչ» ենք աում, նշանակում է՝ մեխանիզմ ենք ստեղծում, որը թույլ է տալիս Ադրբեջանին միջամտել մեր երկրի գործերին. զգուշացնում է քաղաքագետը։
