Երևանի ավագանու այսօրվա նիստում «Հանրային ձայն» խմբակցության անդամ Արտակ Գալստյանի ելույթի ժամանակ իրավիճակը լարվեց։
Ի պատասխան տեղից ռեպլիկներ հնչեցնող ընդդիմադիրների՝ Երևանի քաղաքապետ Տիգրան Ավինյանն ասաց.
«Հասկացանք էլի։ Չափի մեջ մնացեք, չափը չի կարելի անցնել, այդքան տեղ չկա, շատ եք լոճվում։ Պարո՛ն Իսկադարյան, Ձեզ նախազգուշացում, պարո՛ն Հակոբյան Ձեզ էլ նախազգուշացում։ Շարունակեք ոգևորվել, նախազգուշացումները կանցնեն այլ մակարդակներ։ Երբ որ ես ասում եմ՝ շատ եք լոճվում, ուրեմն ճիշտ եմ ասում, որովհետև շատ եք լոճվում, շատ եք լոճվել, ու այդ ձեր լայնքը հեսա կնեղացնենք։
Որովհետև դուք ձեր լեզվի այս ելևեջները մեկ-մեկ արդեն ոնց որ իրականում խառնում եք։ Մեր համեստությունը, մեր հանգստությունը, մեր զսպվածությունը, իրականում խառնում եք շատ այլ բաների հետ։ Դրա համար ևս մեկ անգամ զգուշացնում եմ ձեզ բոլորիդ. այս ռեպլիկներ անողներին, «ապերավատ» ըլնողներին, ովքեր մտածում են, որ իրականում իրենց քուչում են… Լավ, լռություն հլը, լռություն, ասեցի։ Էսքան ժամանակ ինքնադրսևորվել եք, հիմա լռեք և ուշադիր լսեք։
Ժողովուրդ ջան, ձեր չափերը ճանաչեք, և սա ձեզ վերջին նախազգուշացումն է ։ Հանգիստ, երկար տարել ենք, ինչքան չենք խոսացել, այդքան ավելի ու ավելի ինքներդ ձեզ ոգևորել եք։ Նստեք, նստեք, պարոն Քոչարյան, նստեք ասում եմ, նստեք և լսեք։
Ուրեմն սա ձեզ վերջին նախազգուշացումն է։ Սուս մնա, լռի նստի տեղդ»։
Ավինյանի խոսքերը բուռն արձագանք առաջացրեցին նիստերի դահլիճում, և ընդդիմադիր «Մայր Հայաստան» խմբակցության պատգամավորները, ոտքի կանգնելով, և ինչ-որ բան պատասխանեցին նրան։ Ասելիքը, սակայն, չլսվեց։
