Փակ հանդիպումների ժամանակ Ալիևն ընդունել է Հայաստանի տարածքային ամբողջականությունը. ասել է ԱԺ նախագահ Ալեն Սիմոնյանը։
«Փակ հանդիպումների ժամանակ Ադրբեջանի նախագահ Իլհամ Ալիևը մեծ թվային ձևակերպումով ընդունել է Հայաստանի տարածքային ամբողջականությունը»,- լրագրողների հետ ճեպազրույցում նշեց ԱԺ նախագահը։
«Հայաստանի Հանրապետության տարածքը 29.800 քկմ է։ Տիգրան Մեծից սկսենք, հա՞, պետք է հասկանալ՝ որն է ՀՀ-ը։ Կիլիկիան էլ է մեր հայրենիքը, բայց ՀՀ պետության տարածքը չէ։ ՀՀ տարածքը Խորհրդային Միության փլուզումից հետո Հայաստանի ունեցած տարածքն է»,- ասաց ԱԺ նախագահը։
Նա հավելեց, որ իրենք չեն հավատում ու վստահում այն ամենին, ինչ ասում է Ալիևը։
«Քանի դեռ փաստաթղթեր չկան, երաշխիքներ չկան, մենք կտեսնենք մեզ անհանգստացնող բաներ, անընդհատ սպասելու ենք պատերազմի»,- ասաց Սիմոնյանը։
