Ֆրանսահայ լրագրող Լեո Նիկոլյանը ֆրանսիացի քաղաքական գործիչ, խորհրդարանի պատգամավոր, ծագումով հայ Սեբաստիան Դելոգուին հարց է ուղղել՝ Ձեր կարծիքն այն մասին, որ պաշտոնական Երևանը ճանաչել է Պաղեստին պետությունը։
Նշենք, որ 2024 թվականի մայիսի 28-ին Սեբաստիան Դելոգուի գործունեությունը երկու շաբաթով կասեցվել է, երկու ամսվա աշխատավարձը կրճատվել է այն բանից հետո, երբ բարձրացրել է Պաղեստինի դրոշը իսրայելապաղեստինյան պատերազմի ժամանակ, Թել ալ-Սուլթանի կոտորածից հետո Պաղեստինի ճանաչման վերաբերյալ խորհրդարանական քննարկման ժամանակ:
Դելոգուն հարցազրույցի ժամանակ ասել է՝ հպարտ է, որ Հայաստանը ճանաչել է Պաղեստինի պետությունը, որովհետև դա մեկ ազգի կամ մեկ կրոնի պաշտպանություն չէ, այլ համաշխարհային, համամարդկային իրավունք։
Ի դեպ, Դելոգուն երկու ամիս առաջ եկել էր Հայաստան։ Պատահականությո՞ւն է, որ Պաղեստին պետությունը ճանաչող ու Պաղեստինի դրոշը բարձրացնող ֆրանսիացի պատգամավորը գալիս է Հայաստան, որի ղեկավարը այդ այցից 2 ամիս անց պաշտոնապես հայտարարում է, որ ճանաչում է Պաղեստին պետությունը։
Հետևեք մեզ նաև Տելեգրամում։
