Քասախ գյուղի բնակիչները շարունակում են բողոքի ակցիաները։ Գյուղից գալիս-հասնում են Երևան-Աշտարակ միջպետական ճանապարհ, փակում են այն, որպեսզի իրենց ձայնը լսելի լինի իշխանություններին։ Քասախցիները պահանջում են վերականգնել 59 համարի ավտոբուսի աշխատանքը, որը նրանց հասցնում էր Երևանի Հաղթանակի զբոսայգի։
Հիշեցնենք, որ երեկ՝ ապրիլի 9-ին, կառավարությունում ընդունել են Պռոշյան եւ Քասախ բնակավայրերի բնակիչներին՝ այդ գյուղերի տրանսպորտի հարցի քննարկման նպատակով: Հանդիպմանը մասնակցել են վարչապետի աշխատակազմի ներկայացուցիչներ, ՏԿԵ նախարարության տրանսպորտի վարչության պետը, քաղաքապետարանի ներկայացուցիչը:
Հանդիպումից հետո պռոշյանցիները հայտարարեել են, որ իրենց խնդիրը լուծվել է, 25 համարի երթուղին կպահպանվի, սակայն այն ոչ թե կհասնի գյուղ, այդ ՊՆ նախկին շենքի հատվածից շրջադարձ կատարի և կվերադառնա Երևան: Իսկ ահա Քասախ համայքնի 59 համարի երթուղին հանվում է:
Բացի այդ, Քասախից Երևան գործելու են միայն գազելներ, ոչ թե ավտոբուս։ Իսկ գաղելները հասնելու են մինչև Ֆիզիկայի ինստիտուտ։
Երթուղին կրճատվում է, հետևաբար, քասախցիները ոչ միայն Երևան հասնելու համար վճարելու են 200-250 դրամ, այլև Ֆիզիկայի ինստիտուտից էլ Երևանի իրենց նախընտրած վայր հասնելու համար պետք է նորից ավտոբուս նստեն ու վճարեն 150 դրամ։ Քասախցիների պահանջով նրանց հետ հանդիպել են Կոտայքի մարզպետ Սահարոն Սահակյանը, ՏԿԵ նախարարության տրանսպորտի բաժնի վարչության պետ Պապին Գալստյանը և «Մուլտի տրանսպորտ» ընկերության ներկայացուցիչը։ Նրանք մեկ շաբաթ են խնդրել հարցը լուծելու համար։
