Պետական ռեգիստրում «Գոյ» թատրոնի պետական գրանցումը և Սունդուկյանի անվան թատրոնին միավորվելու գրանցումն անվավեր ճանաչելու վերաբերյալ դատական նոր հայց է ներկայացվել, որն ընդունվել է վարույթ։
Մինչ դատարանի որոշումը կընդունվի, «Գոյ» թատրոնի փաստաբան Կարո Ասատրյանը դիմում է ներկայացրել Սունդուկյան թատրոն՝ առաջարկելով «Գոյ» թատրոնի դուռը բացել և թույլ տալ դերասաններին մտնել հարազատ թատրոն։
Բացի այդ, Թատերական գործիչների միության նախագահ Հակոբ Ղազանչյանի միջնորդությամբ ապրիլի 8-ին բանակցել են «Գոյի» տնօրենն ու ԿԳՄՍ փոխնախարարը։
2,5 ժամ տևած բանակցությունը ոչ մի հանգրվանի չի բերել։
Նշենք, որ «Գոյ» թատրոնի տնօրեն Սարգիս Արզումանյանն ապրիլի 3-ից անժամկետ նստացույց էր անում թատրոնի փակ դռան առաջ՝ պահանջելով վերադարձնել ստեղծագործելու իրավունքը։ «Գոյը» ԿԳՄՍ նախարարությանն առաջարկում է իրեն տալ անկախ կարգավիճակ և թույլ տալ գործել սեփական հարկի տակ։
ԿԳՄՍ նախարարության հետ բանակցությունները հույս էին ներշնչել, որ ինչ-որ բան կփոխվի, Սարգիս Արզումանյանը նստացույցը դադարեցրել էր։ Սակայն այդպես էլ ընդհանուր հայտարարի չեն եկել։ Դատական հայցը վարույթ ընդունվելու հիմքով էլ «Գոյ» թատրոնի փակ դուռն այդպես էլ չբացվեց։
Մանրամասները՝ տեսանյութում.
