Հունվարի 1-ից տրանսպորտի ուղեվարձը թանկանալու է։
100 դրամը դառնալու է 300։ Քաղաքային իշխանությունները թանկացման մասին հայտարարել են, խոստացել, որ ավտոբուսների վրա խցանումները չեն ազդելու, 1 ժամում հնարավոր է լինելու 3 ավտոբուս նստել, որպեսզի վճարվի 300 դրամ։ Բայց երթևեկության գերբեռնվածության պայմաններում քաղաքացին ինչպե՞ս է կարողանալու մեկ ժամում 3 տրանսպորտ փոխել, հայտնի չէ։
«Մայր Հայաստան» դաշինքն իրազեկման ակցիաներ է կազմակերպում՝ քաղաքացիներին տեղեկացնելու, թե ինչ է սպասվում 2025 թվականի հունվարի 1-ից։
Շատերն անտեղյակ են, մի մասը՝ թմբիրի մեջ. չեն պատկերացնում, որ, օրինակ, Զեյթունից Շենգավիթ գնալու և վերադառնալու համար վճարելու են նվազագույնը 600-900 դրամ։
Քաղաքի կառավարումը կոլապսի են ենթարկել. ասում է Երևանի ավագանու «Մայր Հայաստան» խմբակցության ղեկավար Մանուկ Սուքիասյանը։
Միայն տրանսպորտի խնդիրը չէ։ 1 միլիարդ 800 միլիոն դրամից ավելի է հատկացվել Երևանի ջրահեռացման խնդիրը լուծելու համար։ Ջրահեռացում, ինչպես տեսնում ենք, չկա. արդեն սեպտեմբեր է, եթե որևէ աշխատանք այդ ուղղությամբ չի արվել, հարց է առաջանում՝ ինչո՞ւ չի արվել։
Մանրամասները՝ տեսանյութում.
