Տեսաուղերձ՝ պառկած վիճակում

Ֆրանսահայ լրագրող Լեո Նիկոլյանն արդեն 23 օր հացադուլ է անում «Զվարթնոց» օդանավակայանում։

Նա ապրիլի 22-ին է Ֆրանսիայից եկել Հայաստան, և «Զվարթնոց» օդանավակայանում իմացել, որ իր մուտքը Հայաստան արգելված է։

Նիկոլյանն իշխանությունների այս քայլը կապում է իր՝ Ոսկեպարում գտնվելու և այնտեղից տեսանյութեր հրապարակելու հետ։

Մինչ այս պահը ՀՀ պատկան մարմիններից ոչ ոք չի պարզաբանել, թե ինչու Նիկոլյանը չի կարող մուտք գործել Հայաստան։

ՄԻՊ գրասենյակից 2 շաբաթ առաջ նրան այցելել են ու վերջ. այդ կառուցից էլ ոչ մի արձագանք կամ պարզաբանում չկա։

Նշենք, որ Բագրատ Սրբազանը հորդորել է Նիկոլյանին դադարեցնել հացադուլը, բայց նա այսօրվա տեսաուղերձում հայտնում է, որ դեռ շարունակում է իր բողոքը։