Գյումրու քաղաքապետի քպ-ական թեկնածու Սարիկ Մինասյանը հայտարարել է, թե «Դեմոկրատական այլընտրանք» կուսակցության թեկնածու Արտյոմ Ղարաղազարյանը Թուրքիայի կացության քարտ ունի ու դիմել է այդ երկրի քաղաքացիություն ստանալու համար։
«Դեմոկրատական այլընտրանք» կուսակցության քաղաքապետի թեկնածուն և նույն քաղաքական ուժի առաջնորդ Սուրեն Սուրենյանցը հատուկ մամուլի ասուլիսով անդրադարձել են Սարիկ Մինասյանի հայտարարությանը՝ պարզաբանելով, թե ինչ «քարտի» մասին է խոսքը։
Բանն այն է, որ իր բիզնեսով պայմանավորված՝ Արտյոմ Ղարաղազարյանը Թուրքիայում ժամանակավորապես մնալու թույլտվություն է ունեցել… ունեցել, հիմա չունի։
Ինչ վերաբերում է Թուրքիայի քաղաքացիություն ստանալու՝ մինասյանական հայտարարություններին, այդպիսի բան չի եղել, չէր էլ կարող լինել՝ հենց թեկուզ այդ երկրի օրենքներով պայմանավորված։
Սուրեն Սուրենյանցը մինչև օրվա վերջ Սարիկ Մինասյանին Արտյոմ Ղարաղազարյանից ներողություն խնդրելու ժամանակ է տվել։
Մանրամասները՝ տեսնյութում.
