«Երբ եկանք էս դպրոց, քանդված վիճակում էր, անգամ հոսանք չկար: Մենք՝ տղամարդ ուսուցիչներով, նախկին տղամարդ տնօրենի հետ ոտքի ենք կանգնացրել, դպրոց ենք սարքել: Ամենաշատ աշակերտն ա եղել մեր դպրոցում: Հիմա սրանք եկել են մի գրչի հարվածով, չգիտեմ ինչ են մտածել, էս բոլորի աշխատանքն ուզում են ջուրը լցնեն»,- նեղսրտում է ԿԳՄՍՆ շենքի մոտ բողոքի եկած Արմավիրի թիվ 4 ավագ դպրոցի տնտեսվար Պավլիկ Գևորգյանը:
Հաստատության երկարամյա աշխատակիցը փաստում է՝ արմավիրցին իր դպրոցի տեղն էլ, վիճակ էլ լավ գիտի ու գերադասել է իր երեխային հենց 4-րդ ավագ դպրոց տանել: ԿԳՄՍ նախարարությունը որոշում է կայացրել՝ առանց ուսուցչական կոլեկտիվի, ծնողների, աշակերտների կարծիքը հարցնելու:
«Մարդիկ իրենց չնչին աշխատավարձով վարկեր են վերցրել: Էդ վարկերը ո՞վ ա փակելու: Նախարարը կփակի՞: Վարչապետը կփակի՞ վարկերը էս մարդկանց: Հիմա ինձ հանեն աշխատանքից, իմ վարկն ո՞վ ա փակելու»,- հարցնում է տնտեսվար Պավլիկը:
Նշենք, որ փակվում է Արմավիրի թիվ 4 ավագ դպրոցը: 44 աշխատակից՝ մեծ մասը ուսուցիչ, ստիպված է նոր աշխատանք գտնել:
