Տիկին Գալյան մտահոգ է, եղբոր ամուսնության տարիքի 3 տղաները ընտանիք կազմել չեն ուզում: Սիսիանի Շաքե բնակավայրում մոտ 120 երիտասարդ կա, որ ամուսնացած չէ:
Տանը մնացած աղջիկներ չունեն, տղաներ՝ որքան ուզեք, նեղսրտում է Գալյա մայրիկը:
«Մինչև 30, 40 տարեկան մոտ 100-120 անպսակ երիտասարդ կա, որ ընտանիք չեն կազմում»,- ասում է շաքեցի կինը:
Հոգսից են վախենում, երիտասարդները գյուղում հիմնականում անգործ են: Աշխատանք չունեն, մտածում են ընտանիք չեն կարողանա պահել. կասկածները բարձրաձայնում է նա:
«Գյուղատնտեսությամբ զբաղվողը ի՞նչ ընտանիք կարա պահա: Պետք է դրսից աշխատավարձ մտնի տունդ: Գումար մտնի, որ տու քո ընտանիքի հոգսը թեթևացնես»,- նշում է տիկին Գալյան:
Աղջիկները հիմա շահի հետևից են վազում. մտահոգովում է Գալյան:
«Ասում ա մեքենա ունե՞ս, տուն ունե՞ս, աշխատանք ունե՞ս, կամուսնանամ. չէ՝ չէ: Երիտասարդներն էլ հիասթափվում են»,- նեղսրտում է նա:
