«Ես շարունակում եմ խոսել հայ-ադրբեջանական բանակցություններում բեկում մտցնելու իմ առաջարկի մասին։ Իմ այդ առաջարկին ուղղված հիմնական քննադատությունը վերաբերում էր նրան, թե ոնց կարելի է 3 ամսում հարցը լուծել։ Եթե Օսկանյանը հարց լուծող էր, 10 տարի նախարար է եղել, թող հարցը լուծած լիներ։ Իմ առաջարկը հարցի լուծմանը չի վերաբերել, իմ առաջարկը բանակցություններում կտրուկ փոփոխություններին է վերաբերել, ընդլայնել օրակարգը և ներառել հայամետ հարցեր»,- իրեն 100 տոկոսով լիազորություն տալու դեպքում բանակցային գործընթացում 3 ամսում բեկում մտցնելու առաջարկի ու այդ առաջարկին իշխանությունների մերժողական, հաճախ՝ ծաղրական քննադատությանն է անդրադարձել նախկին արտգործնախարար Վարդան Օսկանյանը։
Նա հիշեցրել է.
Նախարար եղած ժամանալ ես կարողացել եմ ղարաբաղյան հարցի շուրջ բանակցային տրամաբանություն փոխել, լիսաբոնյան տրամաբանությունից, երբ 1996 թվականին, 50-ից ավելի երկրներ հայտարարել էին՝ ԼՂ հարցը պետք է լուծվի Ադրբեջանի տարածքային ամբողջականության շրջանակում, ես հարցը բերել-հասցրել եմ նրան, որ միջազգային միջնորդները, որպես իրենց վերջնական առաջարկ, պնդել են, որ ԼՂ-ի հարցը պետք է լուծվի ԼՂ-ի ժողովրդի ինքնորոշման սկզբունքի վրա։ Նրանք պետք է իրավունք ունենան անցկացնել ռեֆերենդում, որոշել իրենց ճակատագիրը։
Լեռնային Ղարաբաղի ժողովրդի ինքնորոշման իրավունքը ամրագրվել է բանակցային փաստաթղթում։ Այդ իրավունքը պաշտպանել են թե՛ Լևոն Տեր-Պետրոսյանը, թե՛ Ռոբերտ Քոչարյանը, թե՛ Սերժ Սարգսյանը, իսկ Փաշինյանը փոշիացրեց այն։
Մանրամասները՝ տեսանյութում
