Էլ առաջվա մարալը չի Նիկոլ Փաշինյանը, էլ առաջվա նախշունը չի

Գյումրիում կուլիսային մեթոդներով ու ճնշումներով ավագանու 14 անդամի ստիպեցին մանդատները, քաղաքապետին էլ՝ լիազորությունները վայր դնել։

Գյումրու աղմկահարույց ՏԻՄ ընտրություններին հաջորդած հետընտրական ճգնաժամը լի է ապօրինություններվ. ասում է «Մայր Հայաստան» շարժման առաջնորդ Անդրանիկ Թևանյանը։

Հետընտրական գործընթացից հետո պետք է արտահերթ ընտրությունների հստակ ժամկետներ սահմանվեին. հունվարի 5-ին կամ 12-ին ընտրություններ նշանակվեին, բայց ոչինչ էլ չեղավ։  Հայտարարվեց, որ նախնական ընտրություններով շուտով Գյումրու քաղաքապետի ժամանակավոր պաշտոնակատար կընտրվի։

«Սահմանադրություն է խախտվել, գյումրեցիների ընտրելու իրավունքն է խախտվել։ «Ժողովրդավարության բաստիոնում» հակաժողովրդավարական գործընթացներ են տեղի ունենում, որոնց  պատասխանատվությունը կրում է Նիկոլ փաշինյանի ղեկավարած իշխանությունը»,- պնդում է Անդրանիկ Թևանյանը։

«Մայր Հայաստանը» Գյումրիում տեղի ունեցած «ընտրությունների» ու հետընտրական ապօրինությունների վերաբերյալ Քննչական կոմիտեին և Հակակոռուպցիոն կոմիտեին հանցագործության մասին հաղորդում է ներկայացրել՝ հուսալով, որ քրեական վարույթ կնախաձեռնվի։

Մանրամասները՝ տեսանյութում.