Բռնցքամարտի ձեռնոցներ. փաստաբանների նվերը՝ ոստիկանության պաշտոնյային
Փաստաբաններն այսօր, ի նշան բողոքի, գործադուլ են արել։
Ոստիկանության կենտրոնական բաժնում ոստիկաններն ու պարեկները հունիսի 12-ին ծեծել են փաստաբան Կարեն Ալավերդյանին, նրան խուզարկել, արցունքաբեր գազ փչել դեմքին ու ձերբակալել։ Պատճառն այն է եղել, որ նա փորձել է կանխել ոստիկանների բռնություններն իր պաշտպանյալի նկատմամբ։
Փաստաբանները որոշել են՝ չեն լռելու։ Պայքարելու են, որպեսզի ոստիկանական համակարգում ծառայող ոչ բարեխիղճ, իրենց դիրքը չարաշահողները պատժվեն։
Փաստաբանների նկատմամբ բռնություն կիրառելը կարծես օրինաչափություն է դառնում։
«Եթե մի քանի ամիս առաջ փաստաբաններին ծեծի ենթարկող ոստիկանները պատասխանատվության ենթարկված լինեին, Կարեն Ալավերդյանի դեպքը չէր լինի. վստահ է Արա Զոհրաբյանը։
Փաստաբանների անունից բռնցքամարտի ձեռնոցներ են նվեր ուղարկվել Ոստկանության կենտրոնական բաժնի պետին։
Մանրամասները՝ տեսանյութում.
