Արմեն Աշոտյանի հրապարակած սենսացիոն փաստաթուղթը, որը մինչև հիմա գաղտնի է պահվել

Հայաստանի արտգործնախարար Արարատ Միրզոյանը փետրվարի 22-ին, ասուլիսի ժամանակ ասել է, որ Ադրբեջանը համաձայնել է Ստեփանակերտի հետ բանակցությունների գնալ միջազգային մեխանիզմով։

«Սա նշանակում է, որ Ստեփանակերտն ու Բաքուն չեն բանակցելու հավասարը՝ հավասարի հետ սկզբունքով, այլ Ստեփանակերտը ենթարկվելու է Բաքվին»,- ֆեյսբուքյան տեսաուղերձում ասաց ՀՀԿ փոխնախագահ Արմեն Աշոտյանը՝  հրապարակելով «Խաղաղության պայմանագրի բանակցությունները մեկնարկելու տարրեր» խորագրով  փաստաթուղթ։

Փաստաթղթում նշվում է, որ հայ-ադրբեջանական համաձայնագիրը կպարունակի հոդված՝ Ղարաբաղի հայերի անվտանգության և իրավունքների մասին, որը կհամապատասխանի Ադրբեջանի Սահմանադրությանն ու նրա միջազգային պարտավորություններին։

Նախնական համաձայնությամբ՝  Հայաստանին թույլ են տալիս հրապարակավ արտահայտել իր դիրքորոշումն առ այն, որ Ղարաբաղի հայերի անվտանգության և իրավունքների համապարփակ կարգավորումները պետք է հստակեցվեն մինչև Հայաստանի և Ադրբեջաբնի միջև խաղաղության պայմանագրի բանակցությունների ավարտը։

Հաջորդ կետով   Բաքուն անհապաղ կերպով կսկսի կառուցվածքային երկխոսությունը Ղարաբաղի հայերի որոշված ներկայացուցիչների հետ՝ երաշխավորելու նրանց իրավուքների և անվտանգության մասին փոխադարձ  ընկալումը։

ԵՄ-ն հասանելի է՝ խորհրդատվություն տրամադրելու համար այս գործընթացին։

4-րդ կետով Ղարաբաղի հայերի իրավուքնների և անվտանգության շուրջ միջազգային կառույցներ են ներառվում։ Ադրբեջանն ու Եվրոպական Միությունը կիրականացնեն խորհրդատվություններ Ղարաբաղի հայերի իրավուքների շուրջ։

«Սա նշանակում է, որ Արցախն արդեն Ադրբեջանին է հանձնված, որից հետո Ադրբեջանը Եվրոպայի հետ խոսելու է Ղարաբաղի հայերի անվտանգության մասին»,- տեսաուղերձում նկատեց Աշոտյանը։

 Ադրբեջանը կներառի նաև ԵԱՀԿ ազգային փոքրամասնությունների հարցերով բարձր հանձնակատարին։

ԵՄ-ն կունենա նաև շփումներ Ղարաբաղի հայերի հետ՝ կամ տեղում, կամ տարածաշրջանում։

«Հիմա խոսեմ աչքիս առաջ կատարված դեպքերի մասին։  Փաշինյանի անփառունկ ներկայացուցիչն արտասահմանում ադրբեջանցիներին խնդրեց՝ համաձայնեք Ստեփանակերտի հետ բանակցել, ասեք Ալիևին, որ համաձայնի անել դա, պարզապես մենք էլ պիտի մեր ժողովրդին ասենք, որ տեսեք՝ Բաքուն Ստեփանակերտի հետ բանակցում է։ Օգնեք մեզ, որ մենք Հայաստանում մեր ժողովրդին խաբենք։

Երկրորդ դեպքը։

Վերջերս եվրոպական քաղաքական գործիչների հետ հանդիպման ժամանակ քպ-ական հայկական պատվիրակությունը փորձել է բարձրացնել Արցախի հարցը, եվրոպացիներն ասել են՝ ի՞նչ եք խոսում, ձեր վարչաետը՝ Նիկոլ Փաշինյանը,  համաձայնել է, որ Արցախը լինի Ադրբեջանի կազմում, ի՞նչ ինքնորոշման իրավունքի մասին եք հիմա խոսում։

Մանրամասները՝ տեսանյութում