Ընդդիմադիր գործիչները պարբերաբար հանդիպումներ են ունենում մարզաբնակ մեր հայրենակիցների հետ։
«Հայաստան» խմբակցության պատգամավորներն այս անգամ եղել են Մարտունի խոշորացված համայնքում։ Նրանք մեկ շաբաթ նամակներ են ուղարկել Մարտունու ղեկավարին, բանակցել նրա հետ, որպեսզի դահլիճ տրամադրի հանդիպման համար, սակայն նա այսօր-վաղն է գցել ու դահլիճ չի տրամադրել։
Պատգամավորները հանդիպումն անց են կացրել Մարտունու մասնավոր կառույցներից մեկում՝ ռեստորանի շենքում։
Վարդենիսը դարձել է շփման գիծ, ոչ մի երաշխիք չկա, որ վաղը Մարտունին չի դառնա շփման գոտի։ Եթե իշխանությունները շարունակեն հող հանձնելու քաղաքականությունը, ապա շատ շուտով թշնամին կներթափանցի Հայաստանի խորքերը. սա հասկանում են նաև մարտունեցիները։
Նրանք գիտակցում են, որ հարցը Տավուշի 4 գյուղով չի սահմանափակվելու։ Սա ազգային անվտանգության, պետություն ու հայրենիք ունենալ-չունենալու խնդիր է։
