Երբ 2020 թվականին դուրս եկա պայքարի, կրծքիս տակ որդիս էր, նա հիմա արդեն խոսում է, ասում է՝ մայրիկ, ես քեզ սիրում եմ, Արցախ, Արցախ… Այդ ժամանակվանից մինչև հիմա ես փողոցում եմ, մեկ՝ Բաղրամյան պողոտայում, մեկ՝ Աբովյան փողոցում։ չեմ դադարելու պայքարս, քանի դեռ արդարություն չեմ գտել. «Սրբազան պայքարի» հանրահավաքին ասաց արցախի Արեգա Հովսեփյանը։
Նա պատմեց այն դժոխային ամիսների մասին, երբ Արցախը շրջափակման մեջ էր, մինչդեռ շատերը անտարբեր ապրում էին, կարծես ոչինչ չի եղել։ Բայց շատերն էլ կանգնած էին արցախցիների կողքին, ապրումակցում էին նրանց ու տառապանքի միջով անցնում։
Այսօր Արեգան սպաում է երկրորդ զավակին ու դարձյալ փողոցում է, պաքարում է, չի համակերպվում Արցախի կորստի հետ, չի համակերպվում այն մտքի հետ, որ ՀՀ իշխանությունները երես թեքեցին Արցախից ու արցախցուց։
«Մենք՝ արցախցիներս, ոչ թե հյուրեր ենք, այլ Հայաստանի Հանրապետության տերն ու տիրակալներն ենք, ինչպես Հայաստանի Հանրապետության բոլոր քաղաքացիները։ Բայց ինչպես հայկական քրիստոնեական ընտանիքներին է բնորոշ, տերն ու տիրակալը պետք է պատասխանատվություն կրի իր ընտանիքի անվտանգության, առողջության, մաքրության, ամեն ինչի համար, և մենք պատրաստ ենք այդ պատասխանատվությունը կրել»,- իր հուզառատ ելույթում նշեց Արեգան։
Նա շարունակեց. «Անհերքելի փաստ է, որ մենք ապրում ենք բռնապետության վերածված Հայաստանում։ Հենց նույն այս բռնապետը, որը դժոխքի միջով անցած ժողովրդին անվանում է «միտինգի մատերիալ», ուզում է էլ ավելի վատ բան անել՝ մեզ վերածել «աջակցության մատերիալի»։
Մանրամասները՝ տեսանյութում։
