Արևելքում, որքան էլ թշնամի լինի պետությունը, եթե նրա ղեկավարը պատվախնդիր մարդ է, ինչ էլ լինի, հարգանք ստանում է։
Արևելագետ Ռուբեն Մելքոնյանը լավ է ուսումնասիրել Արևելքի մշակույթը, վարքագծերը, սկզբունքները։
1990-ականներին էլ էր Թուրքիան Հայաստանին թշնամի երկիր համարում, այսօր էլ նույնն է։ Բայց այն տարիներին Թուրքիան անգամ վախ ուներ Հայաստանից, հարգանք՝ Հայաստանի ղեկավարների նկատմամբ, ինչի մասին այսօր անգամ երազել չենք կարող։ Փաստերը, ցավոք, թաքցնելու չեն։
«Հայաստանի արտաքին քաղաքականությունը ներկայացնող անձն ինչքան էլ դեմքի լուրջ արտահայտությանմբ Թուրքիա գնա՝ ցավակցելու, նա հարգված հյուր չի լինելու այնտեղ։ «Սեյսմիկ» դիվանագիտությունը ոչինչ չի տալու մեզ, Թուրքիայի քաղաքականությունը Հայաստանի նկատմամբ երբեք չի փոխվելու։ Եվ դա կախված չէ այն բանից, թե այդ երկրի իշխանության ղեկին ով է՝ Էրդողա՞նը, թե մեկ ուրիշը։ Թուրքիայի համար Հայաստանը միշտ թշնամի երկիր է մնալու»,- Հայաստանի իշխանությունների վերջին օրերի՝ դեպի Թուրքիա ուղղված քաղաքականությունը վերլուծում է թուրքագետ Ռուբեն Մելքոնյանը։
Լինի Թուրքիան, հավաքական Արևմուտքը, թե մեկ ուրիշ երկիր՝ բոլորը Հայաստանի իշխանություններին ընկալում են որպես պարտված իշխանություններ։
Մինչև բանակցողը չփոխվի, մինչև պարտված իշխանության փոխարեն մեկ ուրիշ ուժ չգա, մեզ ոչ ոք լուրջ չի վերաբերվելու, մեր նկատմամբ ոչ ոք հարգանք չի ցուցաբերելու. վստահ է արևելագետը։
Մանրամասները՝ տեսանյութում
