Այսօր երևում են երկու միավոր, որոնք նորմալ մտնում են խորհրդարան։ Նրանք շատ չեն զիջում ՔՊ-ին. ՔՊ-ն-ն բավական փոքր մարժայով է դեռ առաջ, բայց այդ երկու միավորը միասին շեշտակի ավել են, քան ՔՊ-ն, այսօր կայացած մամուլի ասուլիսի ժամանակ ասաց ՀՀ երկրորդ նախագահ Ռոբերտ Քոչարյանը։
Հարցին՝ ովքեր են այդ երկու ուժերը, նա պատասխանեց՝ մեկը իրենք՝ «Հայաստան» դաշինքն է, մյուսը՝ Սամվել Կարապետյանի գլխավորած քաղաքական ուժը։
«Կլինի՞ երրորդ. ես շատ կուզեմ, որ լինի։ Հանգիստ եմ նայում, և միայն ողջունելի է, որ ընդհանուր թիվը լինի մեծ։ Բոլոր խոստումներով Փաշինյանը ձախողվել է։ Արդյոք մեր ժողովուրդը պատրաստ է ամբողջությամբ, փաթեթային ձախողում ունեցող մարդուն նորից ընտրել։
Երբ պետք է՝ Ալիևն ասում է՝ իքիբիրը խաղա։ Սա էլ խաղում է։ Հիմա այդ կարգի առաջնորդի մեր ժողովուրդը պատրա՞ստ է ձայն տալ։ Կարծում եմ՝ ինչ-որ բան փոխվել է տրամադրությունների մեջ, և ես շատ լավատես եմ։ 21 թվականին այդ լավատեսությունը չկար»,- ասաց Քոչարյանը։
