ՀՀ ԱԺ-ի խորհուրդն այսօր նիստ է հրավիրելու. քպ-ականները պետք է «Պատիվ ունեմ» և «Հայաստան» դաշինքի պատգամավերներին՝ բացառությամբ Թագուհի Թովմասյանի, զրկեն մանդատից, դադարեցնեն նրանց պատգամավորական լիազորությունները։ Պատճառն այն է, որ խորհրդարանական ընդդիմոությունն անհնազանդության ակցիաներ, հանրահավաքներ է արել ու չի մասնակցել ԱԺ-ի աշխատանքներին։
Հիշեցնենք, որ Իշխան Զաքարյանը «Պատիվ ունեմ» խմբակցությունից դուրս է եկել դեռ անցյալ տարվա դեկտեմբերին, նա քպ-ականների «սև ցուցակում» նույնպես չկա։
Մանդատից զրկելու օրակարգով նիստը հետաձգվել էր, քանի որ անցյալ շաբաթ ընդդիմադիր պատգամավորներն ԱԺ չեկան։
Հիշեցնենք, որ ԱԺ փոխնախագահ Ռուբեն Ռուբինյանը լրագրողների հետ զրույցում հայտնել է, որ հարգելով ժողովրդի տված քվեն՝ իրենք չեն դիմի Սահմանադարական դատարան և ընդդիմադիր պատգամավորներին մանդատից զրկելու միջնորդություն չեն ներկայացնի։ Նա հավելել էր, որ ընդդիմադիրները, «գլուխները կախ, կգան ԱԺ, կնայեն իրենց աչքերի մեջ ու չեն կարողանա ասել այն, ինչ կրկնում էին փողոցներում»։
