Ես պնդում եմ՝ ապահովագրական համակարգի ներդրման փուլերին համընթաց՝ համակարգը պատրաստ է լինելու, լրագրողների հետ զրույցում այս մասին ասաց Առողջապահության նախարար Անահիտ Ավանեսյանը։
«Ապահովագրական համակարգը ներդրվել է փուլային կերպով՝ 3 տարիների ընթացքում, և մենք կարծում ենք, որ այս փուլային համակարգը նպաստելու է, որ աստիճանաբար պատրաստ լինի դիմելության բարձրացմանը և աճին»,-ասաց նա։
Նրա խոսքով, իրենք լուրջ են վերաբերվում բարեփոխումներին, այդ «քաղաքական խոստումը» տվել են և իրականացնում են նախապատրաստական աշխատանքներ.
«Այո՛, մենք այդ քաղաքական խոստումը տվել ենք և իրականացնում ենք։ Մենք լուրջ ենք վերաբերում մեր բարեփոխումներին։ Եթե հիշում եք՝ առողջապահության բյուջեն վերջին տարիներին կրկնապօատկվել է. սա նշանակում է, որ թե ծառայությունների ցանկն է ընդլայնվել, թեորակական փոփոխություններ են իրականացվել, թե շահառուների ցանկն է մեծացել»,- ասաց նախարարը՝ ընդգծելով, որ համակարգն ամբողջությամբ կներդրվի 2027 թվականին։
Անահիտ Ավանեսյանը շեշտեց՝ աշխատանքները որոշակի առումով երկարում են, որովհետև ռեֆորմը լայնածավալ է, և իրենք կարծում են, որ հնարավորինս մանրակրկիտ աշխատանքը շատ ավելի կարևոր է, քան թե ժամկետները։
