Ադրբեջանի նախագահի պաշտոնական կայքում զետեղված է ապրիլի 10-ին ԱՄՆ նախագահ Թրամփի նամակը, որը սկսվում է Նովրուզի առթիվ շնորհավորանքով, ապա շարունակվում.
«Մեր երկրները միասին աշխատելու երկար պատմություն ունեն: Ես անհամբեր սպասում եմ այն մեծ գործերին, որ կարող ենք իրականացնել գալիք տարիներին: Բարձր եմ գնահատում Ադրբեջանի աջակցությունն ու բարեկամությունը մեր գործընկեր Իսրայելին, ողջունում եմ այն քայլերը, որ դուք եւ Հայաստանը կատարում եք տարածաշրջանում խաղաղություն հաստատելու համար: Նայում եմ ընդառաջ՝ ձեզ հետ համագործակցելու, քանզի մեր երկրները ձգտում են հաջողությունների: Միացյալ Նահանգները շարունակում է մնալ Ադրբեջանի ինքնիշխանության, անկախության եւ տարածքային ամբողջականության հաստատուն ջատագովը»:
Ճի՞շտ ենք ենթադրում, որ նամակը գրվել եւ ուղարկվել է ապրիլի 8-ին Նեթանյահուի հետ հանդիպումից հետո:
ԱՆԱՀԻՏ ՀՈՎՍԵՓՅԱՆ
Գերմանիա
