Հայկ Մարությանի լիազորությունները, որպես ավագանու անդամ, դադարեցվեցին, բայց նա շարունակելու է պայքարը։
Բնականաբար առաջադրվելու եմ, որպես վարչապետ. ասաց:
«Բազմիցս ասել եմ՝ մեր աջակիցները բազմաթիվ խնդրանքներ և պահանջներ ունեն, որ ստեղծենք կուսակցություն, մենք արդեն այս պրոցեսի մեջ ենք, շուտով կհայտարարենք, ունենք կուսակցություն և բնականաբար մեր կուսակցությունը, կապ չունի՝ նորաստեղծ, թե արդեն գործող, անպայման պետք է մասնակցի Հայաստանի հանրապետության բոլոր կարևորագույն քաղաքական պրոցեսներին:
Անպայման պատրաստվելու ենք 2026 թվականի ընտրություններին, եթե չլինի արտահերթ, որովհետև դրա մասին անընդհատ խոսակցություններ են գնում: Քանի, որ ես մեր կուսակցության ղեկավարն եմ , այո, ես առաջադրվելում եմ, որպես թեկնածու»,- ասել է նա:
Հայկ Մարությանը վստահություն հայտնեց, որ տրանսպորտի թանկացման դեմ պայքարելու է Երեւանի ամբողջ բնակչությունը․ «Այս կարճ հատվածում ես շփվել եմ մարդկանց հետ, ապշած են այս որոշումից։ Մեր թիմը ոչ մի բանով չի տարբերվում 10 տարի առաջվա մեր թիմից, այսինքն՝ մեր շուրջ մարդիկ են, որոնք միշտ պայքարել են, մենք նույն ձեւ պայքարել ենք ինչպես այն ժամանակ։ Միայն թե մի փոքր ծերացել ենք, բայց մեր թիմը համալրել են շատ երիտասարդ մարդիկ։ Ես նախօրոք պարոն Փաշինյանին եւ պարոն Սիմոնյանին հրավիրել եմ միանալու մեր պայքարին։ Կհիշեք, որ 2013-ին տրանսպորտի թանկացման պայքարի ժամանակ եւ՛ Սիմոնյան Ալենը, եւ՛ Փաշինյան Նիկոլը եկան ու միացան իմ ու իմ ընկերների կազմակերպած ակցիային»։
