Երուսաղեմում ատելությունն աճում է նրանց դեմ, ով հրեա չէ, հուդայականություն չի դավանում: Սպառնալիքը կախված է պաղեստինցիների, արաբների, հայերի գլխին, որոնց դեմ համարյա ամեն օր բիրտ ուժ է կիրառվում, գրում է գերմանական taz-ի տեղի թղթակիցը հուլիսի 24-ին: Թերթն անդրադառնում է Հայկական թաղամասի պաշտպանությանը, ներկայացնում Հակոբ Ջրնազյանի հետ զրույցը, ապա նշում, որ ոստիկանության մերձակա հայկական պանդոկներից մեկի վրա օրերս հարձակում է եղել: «Թող այրվի», բացականչել են խոպոպավոր բռնարարները, կոտրել կահույքը, շաբաթվա մեջ 2 անգամ են եկել»: Իսրայելի որոշ իրավապաշտպաններ Նեթանյահուի «ցանած» այս մտածելակերպն անվանում են ֆաշիստական: «Հայ ակտիվիստներին աջակցում է հրեական եւ պաղեստինյան քաղ. հասարակությունը, քանի որ հանդես են գալիս մարդասիրական, բազմամշակութային Երուսաղեմի օգտին», գրում է taz-ը:
ԱՆԱՀԻՏ ՀՈՎՍԵՓՅԱՆ
Գերմանիա
