Օրբանը՝ Պուտինի ու Զելենսկու մեջտեղում
Հունգարիայի վարչապետ Վիկտոր Օրբանը հայտարարել է, որ ՌԴ նախագահ Վլադիմիր Պուտինի հետ քննարկել է Ուկրաինայում խաղաղության հասնելու ուղիները։
Այս մասին նա հայտարարել է Վլադիմիր Պուտինի հետ բանակցություններից հետո։
Օրբանն ասել է, որ ցանկանում է լսել Պուտինի կարծիքը երեք կարևոր հարցերի շուրջ։
Դրանք են՝ ի՞նչ է մտածում նա խաղաղարար նախաձեռնությունների մասին, ի՞նչ է մտածում հրադադարի և խաղաղության բանակցությունների մասին, ի՞նչ հաջորդականությամբ դրանք կարող են ընթանալ. ինչպիսի՞ն է Եվրոպայի տեսլականը պատերազմից հետո։
Հունգարիայի ղեկավարն ասել է, որ ՌԴ նախագահին պատմել է հրադադարի առաջարկի վերաբերյալ Զելենսկու արձագանքի մասին։
Օրբանը նաև նշել է, որ Կիև և Մոսկվա կատարած այցերից հետո կշարունակի ջանքերը հակամարտության կարգավորման ուղղությամբ։
