Պատմաբան, «Ցեղասպանություն» թանգարան-ինստիտուտի նախկին տնօրեն Հայկ Դեմոյանի գնահատմամբ՝ Արցախն Ալիեւին տրվեց այն բանի համար, որ նա Ադրբեջանը հանձնի Ռուսաստանին: Այսօր հարեւան երկիրն, ասում է Դեմոյանը, Ալիեւը միանձնյա չէր կառավարում, բոլոր հարցերում ներգրավված է Կրեմլը:
«2022-ի հայտնի հռչակագրի ստորագրումով, ինչից հետո Ադրբեջանն ու Ռուսաստանը դարձան ռազմավարական գործընկերներ, Ադրբեջանը փաստացի հանձնվեց Ռուսաստանին: Ալիեւն իր փառասիրությունը բավարարելու համար ստացավ Արցախը, բայց կորցրեց ինքնուրույնությունը»,- «Ազգ»-ի հետ զրույցում նշում է պատմաբանը:
Ըստ նրա՝ Արցախյան հակամարտությունը 2023-ի սեպտեմբերյան իրադարձություններով ավարտվել, բայց չի վերջացել, քանի որ գերտերություններին միշտ էլ պետք են «թեժ կետեր»: «Կայսերական պետությունները մշակված հստակ պլաններ ունեն, որոնք դժվարությանբ են փոփոխում»…
Ինչ վերաբերում է Արցախյան հակամարտությանը, ապա եթե դեպքերի քրոնիկոնը (սկսած Բաքվի, Սումգայիթի, Կիրովաբադի ջարդերից) համադրենք իրար ու դուրս բերենք դրա «կոդը», կհասկանանք՝ ի՞նչ է եղել եւ ի՞նչ պետք է անել, ինչպես կանխել հետագա նման գործողությունները,- շեշտում է մեր զրուցակիցն ու ավելացնում,- Արցախում կամ այլ տեղերում ադրբեջանցիներն էլի՛ կրակակեն՝ հորջորջելով, թե «հակաահաբեկչական օպերացիա» են իրականացնում, ինչին ուղղակի կամ անուղղակիորեն աջակցելու է խաղաղապահների անվան տակ Ադրբեջանում հայտնված զինուժը:
ՍԵՎԱԿ ՎԱՐԴՈՒՄՅԱՆ
