2020 թվականի նոյեմբերից անընդհատ նույն միտքն եմ կրկնում՝ պարտված իշխանությունը նորանոր պարտություններ է բերելու, և 2022-ն, իսկապես, նոր պարտությունների տարի էր, Azg.am-ի թղթակցի հետ զրույցում ասաց քաղաքագետ Թևան Պողոսյանը։
«Անցնող տարում և՛ ՀՀ տարածքներ կորցրեցինք, և՛ Արցախի վիճակն է օրհասական. Կորուստ՝ կորսի հետևից, պարտություն՝ պարտության հետևից։ Ինչքան այս վիճակը շարունակվի, այնքան էլ այսպես է լինելու»,- ասաց նա։
Թևան Պողոսյանի համոզմամբ՝ քաղաքական կյանքում փոփոխություն է պետք՝ կլինի իշխանափոխություն կամ ինքնակամ իշխանությունը թողնելու քայլ։
«Ես, օրինակ, կառաջարկեմ, որ նաև քննարկեն ինքնակամ, գիտակցված, հանուն Հայաստանի իշխանությունից հրաժարվելու տարբերակը։ Դրանով կարելի է և՛ ազգային միասնության դուռը բացել՝ վերականգնելու այդ ռեսուրսը, և՛ ստեղծված ճգնաժամը հաղթահարել՝ հատկապես բարոյահոգեբանական, անվստահության ճգնաժամը։ Պետք է ազգային երազանք ձևավորել, նպատակներ դնել և դրանց ուղղությամբ քայլեր անել»,- ամփոփեց Թևան Պողոսյանը։
