«Մենք արդեն մի քանի տարի է, ինչ ապրում ենք այս մթնոլորտում։ Այսպիսով, մենք գիտենք, թե ինչպես է աշխատում այս մեքենան։ Մենք տեսել ենք արտաքին խաղացողների կողմից միջամտության բազմաթիվ փորձեր, այդ թվում և այն կողմից, որը Դուք նշեցիք»։
Այսպես ՀՀ ԱԳ նախարար Արարատ Միրզոյանը պատասխանել է DW-ի լրագրողի հարցին. «Վերջերս Մոլդովայում խորհրդարանական ընտրություններ տեսանք, որոնք շատ էմոցիոնալ էին՝ արտաքին ազդեցության փոխադարձ մեղադրանքներով։ Սոցիալական ցանցերի դարում դա այնքան էլ դժվար չէ։ Արդյոք պատրաստվո՞ւմ եք Մոլդովայի օրինակով նման զգալի արտաքին միջամտությանը, այդ թվում՝ Ռուսաստանի կողմից, Հայաստանի ապագա ընտրությունների ժամանակ»։
«Հավանաբար այդ փորձերը կշատանան։ Մենք արդեն խոսեցինք Ձեզ հետ այն մասին, որ ռուսական ԶԼՄ-ները կտրուկ քննադատում են Հայաստանի կառավարությանը, հայկական ժողովրդավարությանը և այլն։ Ենթադրում ենք, որ առաջիկա ամիսներին դա կարող է ուժեղանալ։ Բայց ունենք այն, ինչ ունենք»,- ասել է ՀՀ ԱԳ նախարարը։
