Լեռնային Ղարաբաղն Ադրբեջանի մաս դարձնելու որոշումը կայացվել է Հայաստանի վարչապետ Նիկոլ Փաշինյանի անմիջական մասնակցությամբ. գրում է ՏԱՍՍ-ը՝ մեջբերելով ՌԴ արտգործնախարար Սերգեյ Լավրովի խոսքը լրագրողների հետ ճեպազրույցից։
«Երևանյան գործիչների հայտարարությունները, թե Պուտինը, 2020 թվականի նոյեմբերին պատերազմը դադարեցնելու մասին պայմանավորվածությունը ստորագրելով, ստիպել է Փաշինյանին Ղարաբաղը հանձնել Ադրբեջանին, սուտ են», – նշել է Լավրովը։Նա հայտնել է, որ նոյեմբերի 9-ի հայտարարությունում նշված էր, որ Լեռնային Ղարաբաղը ռուսական խաղաղապահ զորակազմի պատասխանատվության գոտին է։ Ավելին՝ կար ընդհանուր ըմբռնում, որ ԼՂ-ի վերջնական կարգավիճակի շուրջ երկխոսությունը կշարունակվի, սակայն հետագայում Պրահայում կայացած բանակցությունների արդյունքում ՀՀ-ն ու Ադրբեջանը ճանաչել են միմյանց տարածքային ամբողջականությունը, ինչով էլ հարցը փակվել է։«Երբ 1 կամ 1,5 տարի անց Պրահայում կայացած ինչ-որ հերթական եվրոպական գագաթնաժողովում Փաշինյանը ստորագրեց մի փաստաթղթի տակ, որում ասվում է, որ Հայաստանն ու Ադրբեջանը ճանաչում են միմյանց 1991 թվականի սահմանները ՝ Ալմա-Աթայի հռչակագրի համաձայն, այդ հարցը փակվեց», – ասել է ՌԴ արտգործնախարարը։
