Հայաստանի և Եվրամիության միջև գործընկերության ընդլայնման փուլային ծրագիրը կհաստատվի նոյեմբերին՝ ԵՄ Խորհրդում հունգարական նախագահության ընթացքում: Այս մասին իր Ֆեյսբուքյան էջում գրել է Հունգարիայի ԱԳ նախարար Պետեր Սիյարտոն, տեղեկացնում է ՏԱՍՍ-ը։
«Վիզային ռեժիմի դյուրացման շուրջ երկխոսությունը ԵՄ-ի և Հայաստանի միջև սկսվել է երեկ։ Բացի այդ, նոյեմբերին մեր նախագահության ընթացքում մենք կհաստատենք ԵՄ-Հայաստան գործընկերության ժամանակացույցը»,- նշել է Սիյարտոն։
