Ռուսաստանը տեսնում է, որ Հայաստանի միջոցով ՆԱՏՕ-ի երկրների շահերը Հարավային Կովկասի տարածաշրջանում առաջ մղելու փորձեր են արվում. ինչպես հաղորդում է ՏԱՍՍ-ը, ԱՊՀ երկրների արտգործնախարարների խորհրդի նիստից հետո լրագրողներին հայտնել է ՌԴ ԱԳ նախարար Սերգեյ Լավրովը։
«Ինչ վերաբերում է հակառուսական տրամադրությունների սրմանը, ապա դա արվում է արհեստականորեն, մենք գիտենք, թե Հայաստանում վերջին տարիներին քանի հասարակական կազմակերպություն է ստեղծվել, և դրանք նախկինում էլ են եղել…
Այդ կազմակերպությունները չեն ստեղծվել Հայաստանի և Ռուսաստանի Դաշնության միջև բարեկամական հարաբերությունները խթանելու նպատակով։ Ճիշտ հակառակը։ Դրանք միտված են հող ստեղծելու հակառուսական տրամադրությունների համար և նախապատրաստվելու Հայաստանի միջոցով այս տարածաշրջանում առաջին հերթին ԱՄՆ-ի, Եվրամիության, ՆԱՏՕ-ի երկրների շահերի առաջխաղացմանը։ Մենք տեսնում ենք, որ այդ փորձերը որոշակի արդյունքների են հասնում»,- ասել է Լավրովը։
