«Իհարկե, հասկանալի է, որ քննարկումը ծավալուն է եղել, քննարկումը հեշտ չէ, բայց ես ուզում եմ արձանագրել, որ մեր նպատակադրումները շարունակում եմ մնալ այնպիսին, ինչի մասին ես հայտարարել եմ իմ ելույթներում: : Մենք բոլորս պետք է հասկանանք, որ դա հեշտ չէ, եւ պարզ չէ, և հնարավոր լուծումներն էլ ակնհայտ չեն: Մենք պետք է հետևողական աշխատենք և նաև կարծում եմ, որ անհրաժեշտություն է, նաեւ մեր ժողովրդի ցանկությունն է, որ օր առաջ մեր տարածաշրջանում հաստատվի տևական ու համապարփակ խաղաղություն, և մենք պետք է ավելի ու ավելի շատ կենտրոնանանք այս խնդրի լուծման վրա:
Այլ մանրամասներ հաղորդելու այս պահին, պարզապես, չկա, որովհետեւ իսկապես այն, ինչ պայմանավորվել ենք, համառոտ ներկայացված է: Հետագայում եթե կլինեն մանրամասներ կամ առաջարկներ կամ թեմաներ, որոնք այնքան հասունացած կլինեն, որ անհրաժեշտ լինի քննարկել կառավարությունում, հանրության հետ, քաղաքական ուժերի հետ, մենք դա իհարկե, անպայման կանենք»,-սեպտեմբերի 1-ի Կառավարության նիստում ասաց վարչապետ Փաշինյանը Բրյուսելում կայացած հանդիպման մասին։
