«Հայաստան» խմբակցությունը հունվարի 13-ին ԱԺ խորհրդի նիստին չի մասնակցելու. հայտնել է պատգամավոր Արծվիկ Մինասյանը։
Նշենք, որ վաղը ԱԺ խորհրդի նիստի հարցը «Հայաստան» խմբակցության 22 պատգամավորների լիազորությունները դադարեցնելու համար ՍԴ դիմելուն է վերաբերելու։
«Մեզ համար իրենց որոշումը բացարձակ արժեք չի ներկայացնում և կանխելով որևէ հնարավոր մեծահոգության փորձ՝ ասեմ, որ բացարձակ անտարբեր ենք իրենց այդ գոծողության նկատմամբ. կդիմե՞ն ՍԴ, թող դիմեն, չեն դիմի, շատ հնարավոր է ինքներս դիմենք ՍԴ, որպեսզի հստակություն մտնի, որ ամեն մի քաղաքական իշխանություն իրեն չվերապահի խորհրդարանական փոքրամասնության նկատմամբ նման գործիք ունենալը։
Իրենց որոշելիքն է, ինչ ուզում են, թող որոշեն, մի կողմից գնահատում ենք քաղաքական իշխանության վարքագիծը, մյուս կողմից՝ գոծող օրենսդրության անկատարության շեղված ներկայացումը»,-ասաց Արծվիկ Մինասյանը։
