«Կոնկրետ ես չգիտեմ թե ինչ տեքստ ու տեսք ունի այն խաղաղության պայմանագիրը, որը պատրաստվում է կնքել Հայաստանի կառավարիչ.լրագրողներին ասել է ՀՀ երրորդ նախագահ Սերժ Սարգսյանը։
Այսօր, ի դեպ, Սերժ Սարգսյանի գործով դատական նիստն է տեղի ունեցել։ Լրագրողները, օգտվելով առիթից, նախագահին հարցեր են ուղղել։
Խաղաղության պայմանագրի մասին նա ասել է.
«Ամեն անգամ մենք գնում ենք նոր զիջումների։
Եվ դա ինչպե՞ս կարելիա է կոչել խաղաղոթյան պայմանագիր: Եթե այդպիսի պայմանագիր ստորագրվի, ապա ճիշտ կլինի այն կոչել պարտադրված խաղաղության պայմանագիր, իսկ պարտադրված խաղաղության պայմանագիրը նույն կապիտուլյացիան է:
Հիշում եք, որ նոյեմբերի 9-ի փաստաթղթի հրապարակումից հետո «կապիտուլյանտ» բառը ինչպես դաջվեց նրա վրա, և ես վստահ եմ՝ այսպիսի խաղաղության պայմանագրի ստորագրվելուց հետո նա կոչվելու է կրկնակի կապիտուլյանտ:
