90-ականներին մենք էլ չէին պատկերացնում, որ կարող ենք տարածքներն ազատագրել, և միայն Վազգեն Սարգսյանի շնորհիվ, համախմբվելու միջողով է հաջողվել հասնել դրան. «Եռաբլուր» զինվորական պանթեոնում լրագրողների հետ զրույցում ասաց «Երկրապահ» կամավորական միության նախագահ Սասուն Միքայելյանը։
Նա շեշտել է, որ ամբողջ պայքարը նրա համար է, որ միջանցք չտանք։ Միջանցք տալու մասին ոչ ոք չի խոսում։
«Այս ծանր իրավիճակում մենք պետք է ավելի խելոք ու համախմբված լինենք, այն ժամանակ հնարավորություն եղավ, համախմբված էինք, ազատագրեցինք հայրենիքը, այսօր ես էլ եմ մեղավոր, նախորդ պետական այրերն են մեղավոր հողերը հետ տալու համար։ Այսօր, պարզ ասեմ, մեր երեք նախագահները, ՊԲ նախկին հրամանատարն ու այլ մարդիկ գերեվարված են։ Ես չեմ ուզում քաղաքականացնել, բայց եկեք հասկանանք, որ այն անձինք են այսօր այնտեղ, ովքեր 100 տոկոսով վստահում էին ռուսներին, և ռուսները չե՞ն կարողանում նրանց բերել Հայաստան։ Այս տարիների ընթացքում՝ պատերազմից հետո, լինելով ՀԱՊԿ անդամ, մեզ համար ի՞նչ արեցին։ «Նարկոզը» տվել են ու վեց տարի «փրթում» են ռուսները», – ասաց Սասուն Միքայելյանը։
