Հայաստանի իշխանությունները պատասխանատու են բանակցություններ վարելու համար. մենք այս գործընթացում չկանք։ Սա մեր առաջադրանքը չէ։ Բայց մենք վստահում ենք միջազգային իրավունքին և վստահ ենք, որ ցեղասպանություն կատարածները պետք է հայտնվեն բանտերում։ Ցեղասպանության մասին կոնվենցիային միացել է 100-ից ավելի երկիր, որոնք կոչված են ցեղասպանությունները կանխելու, ինչպես նաև ցեղասպանություն իրականացնողին ազատազրկելու. Լրագրողների հետ հանդիպմանն ասաց ՄՔԴ առաջին գլխավոր դատախազ Լուիս Մորենո Օկամպոն։
Նա հույս հայտնեց, որ այս գործընթացն ավարտին կհասցվի։
Բայց Լեռնային Ղարաբաղում արդեն իսկ ցեղասպանսւթյուն է կատարվել։ Ցեղասպանություն անողին պատժել միայն Հայաստանը չպետք է պահանջի. 152 երկիր դա պիտի պահանջի. նկատեց դատախազը։
Ինչպես հայտնի է, այս տարվա փետրվարին Հայաստանը միացավ Միջազգային քրեական դատարանին՝ հիմնավորելով, որ այդկերպ հնարավոր է իր գործած հանցանքների համար Ադրբեջանին ենթարկել միջազգային պատասխանատվության։
«Հայաստանը միացել է ՄՔԴ-ին, ինչը նշանակում է, որ թեև Արցախը Հայաստանի կազմում չէ, Ադրբեջանի կազմում է, բայց սա մի հարց է, որի շուրջ Արցախը պետք է կոնսոլիդացվի։
Միանալով Միջազգային Քրեական Դատարանին ՝ Հայաստանը ձեռք է բերել պաշտպանության նոր համակարգ։ Մենք կուզեինք հասկանալ, թե Հայաստանում ինչպես են օգտագործելու այդ համակարգը՝ պաշտպանելու Լեռնային Ղարաբաղի իրավունքները, որպեսզի արցախցիները վերադառնան»,-ասաց Օկամպոն։
Առավելագույնը, որ Հայաստանը կարող էր անել, ՄՔԴ համակարգին միանալն է. նշեց դատախազը։
«Կալիֆորնիայի Առաջին ատյանի դատարանի դատավոր, Ճշմարտության և Արդարադատության Կենտրոնի համահիմնադիր Կասյա Աբգարյանն այդ հնարավորությունից արդեն օգտվել է՝ դատախազի առջև բողոք, պահանջ է դրել։ Հայցն արդեն ներկայացվել է, գործընթացը սկսվել է։ ՄՔԴ-ն միջամտում է հանցագործության կատարումից հետո, կանխարգելման գործընթաց էլ կա՝ Ալիևը գիտի, որ եթե հարձակվի Հայաստանի վրա, կդատապարտվի։ Դա Հայաստանի համար պաշտպանական միջոց է»,-Հայաստանի՝ ՄՔԴ-ին միանալու նշանակության մասին ասաց Օկամպոն։
