Թուրքիայի նախագահ Ռեջեփ Թայիփ Էրդողանն անդրադարձել է հայ-ադրբեջանական կարգավորման գործընթացին:
«Ադրբեջանի և Հայաստանի միջև խաղաղության համաձայնագրի ստորագրմամբ մեր տարածաշրջանը շատ ավելի բարեկեցիկ պայմաններ է ունենալու: Մենք այս երկխոսության գործընթացն իրականացնում ենք իմ եղբոր՝ Իլհամի հետ լիարժեք համակարգմամբ: Նաև հավատում եմ, որ առաջիկայում մենք կտեսնենք այդ շփումների դրական արդյունքները», -իր թվիթերյան էջում գրել է Էրդողանը:
Նա ընդգծել է, որ «Թուրքիան և Ադրբեջանը ռազմավարական դիրք ունեն Արևելքի և Արևմուտքի միջև»։
«Մեր եղբայրությանը համահունչ՝ էլ ավելի կխորանա մեր համագործակցությունը բոլոր բնագավառներում՝ առևտրից մինչև էներգետիկ, պաշտպանական արդյունաբերությունից մինչև տրանսպորտ», – եզրափակել է Թուրքիայի նախագահը։
