ԱՄՆ-ը շարունակում է խորապես անհանգստանալ, որ Ադրբեջանը շարունակում է արգելափակել Լաչինի միջանցքը առևտրային, մարդասիրական և մասնավոր մեքենաների համար։ Մարդասիրական նպատակներով տեղաշարժի դադարեցումը վատթարացնում է հումանիտար իրավիճակը և խաթարում խաղաղության գործընթացում վստահության ամրապնդման ջանքերը. հայտնում են ԱՄՆ պետդեպարտամենտից։
«Լաչինի միջանցքով պետք է անհապաղ վերականգնվի առեւտրային, հումանիտար եւ մասնավոր մեքենաների տեղաշարժը։ Մենք հետևողականորեն պաշտպանում ենք այն տեսակետը, որ տարածաշրջանում խաղաղությունը պետք է ներառի Լեռնային Ղարաբաղի ժողովրդի իրավունքների և անվտանգության ապահովումը։ Մենք ողջունում ենք երկխոսությունը, որն առաջ է տանում այս նպատակը»,- հայտարարել է ԱՄՆ պետդեպի մամուլի խոսնակ Մեթյու Միլլերը։
