Ռուսաստանի նախագահի օգնական Վլադիմիր Մեդինսկին իր մեկնաբանության մեջ խոսել է իրավիճակի պատմական կողմի և սոցիալ-մշակութային առանձնահատկությունների մասին. այս տարածաշրջանը Ռուսաստանի Դաշնության կողմից ճանաչվում է որպես Ադրբեջանի տարածք: Մեդինսկու խոսքերը չպետք է հանել համատեքստից և տալ այլ իմաստ, ՏԱՍՍ-ին ասել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։ Նա հայտարարել է, որ Ռուսատանը պաշտոնապես ճանաչում է Ղարաբաղը որպես Ադրբեջանի տարածք. գրում է ՏԱՍՍ-ը։
Մեդինսկին, որը գլխավորում է Ռուսաստանի պատվիրակությունը Ուկրաինայի հետ բանակցություններում, նախորդ օրը RT-ին տված հարցազրույցում ասել էր, որ եթե ուկրաինական հակամարտությունը դադարեցվի առաջնագծում և «իրական խաղաղության» վերաբերյալ համաձայնության չհասնի, տարածաշրջանը «կվերածվի հսկայական Ղարաբաղի»՝ հավելելով, որ այն «վիճելի տարածք էր Հայաստանի և Ադրբեջանի համար»։
«Ռուսաստանը պաշտոնապես ճանաչում է այս տարածաշրջանը որպես Ադրբեջանի տարածք։ Մեդինսկին խոսեց պատմական ասպեկտի, սոցիալ-մշակութային առանձնահատկությունների և ժողովրդի ցավի մասին», – նշել է դիվանագետը։
«Մենք խոսում էինք բացառապես զինված հակամարտության ողբերգության մասին», – ասել է Ռուսաստանի արտաքին գործերի նախարարության պաշտոնական ներկայացուցիչը։
«Պետք չէ համատեքստից հանել գոյություն չունեցող թեզերը և փոխել բառերը՝ դրանց տալով բոլորովին այլ իմաստ», – ասել է Զախարովան։
Ադրբեջանի արտաքին գործերի նախարարությունը, մեկնաբանելով Մեդինսկու խոսքերը, դիրքորոշում է հայտնել, որ ռուս-ուկրաինական հակամարտությունը Ղարաբաղում ստեղծված իրավիճակի հետ համեմատելը «անտեղի» է։
