ԱՄՆ պետքարտուղարությանն ապացույցներ են հարկավոր, որպեսզի համոզվեն՝ Ադրբեջանն Արցախում էթնիկ զտումներ է իրականացրել։
Նաև ապացույցներ են պետք, որ ադրբեջանցիներն Արցախում վայրագություններ են կատարել։
Արցախում տեղի ունեցածը գոնե էթնիկ զտում կամ վայրագություն որակել Պետքարտուղարությունը ձեռնպահ կմնա։
«Մենք լրջորեն ենք վերաբերվում էթնիկ զտումների, ցեղասպանության կամ այլ վայրագությունների մեղադրանքներին։ Իրավիճակի վերաբերյալ շփվում ենք տեղի կոնտակտների հետ։
Մենք չենք խուսափի համապատասխան քայլեր ձեռնարկելուց՝ արձագանքելու վայրագությունների մեղադրանքներին և պատասխանատվության ենթարկելու վայրագությունների մեղավորներին, երբ տեսնենք ապացույցներ, որ դրանք տեղի են ունեցել: Սակայն, ինչպես միշտ, ցեղասպանության կամ էթնիկ զտումների վերաբերյալ վճռականությունը հիմնված է կանխամտածված, ապացույցների վրա հիմնված գործընթացի վրա: Ես հիմա այս ամբիոնից վերջնականապես չեմ կարող խոսել այս մասին»,- ճեպազրույցի ժամանակ ասել է ԱՄՆ պետքարտուղարության մամլո խոսնակ Մեթյու Միլլերը։
